პოლიციამ ნიუ-ჯერსის ქალაქ ელიზაბეთში, სადგურის მახლობლად ზურგჩანთა აღმოაჩინა, რომელშიც 5 ხელნაკეთი ასაფეთქებელი მოწყობილობა იდო, - ამის შესახებ BBC იუწყება. 

როგორც მედია საშუალება წერს, ერთ-ერთი ასაფეთქებელი მოწყობილობა გაუვნებელყოფის მცდელობის დროს ამოქმედდა. გამნაღმველები დისტანციურად მართვადი რობოტის საშუალებით მუშაობდნენ, ამიტომ აფეთქების შედეგად არავინ დაშავებულა. 

ქალაქის მერის ქრისტიან ბოლუეიჯის თქმით, საეჭვო ჩანთა სადგურსა და ბარს შორის მდებარე ურნასთან იდო. მერი არ გამორიცხავს, რომ ზურგჩანთის მეპატრონეს ბომბები სხვა ადგილას მიჰქონდა, თუმცა პოლიციის დანახვისას გადაწყვიტა, ჩანთა დაეტოვებინა.

ტელეკომპანია NBC-ის ცნობით, აღმოჩენილი ასაფეთქებელი მოწყობილობები მანჰეტენზე ამოქმედებული ბომბის იდენტური იყო, თუმცა აღნიშნული ინფორმაცია ოფიციალურად არ დადასტურებულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა