იტალიაში მიწისძვრის შედეგად დაღუპულთა რიცხვი 293-მდე გაიზარდა, - ამის შესახებ Reuters იუწყება. 

როგორც მედია საშუალება წერს, მეხანძრე მაშველებმა ამატრიჩეში, სასტუმრო „რომის“ ნანგრევებში კიდევ 6 ადამიანის ცხედარი იპოვეს. 

იტალიის პრემიერ-მინისტრმა მატეო რენციმ მიწისძვრის შედეგად დაზარალებულ რეგიონებში საგანგებო მდგომარეობა გამოაცხადა. დაზარალებულთა დასახმარებლად იტალიის მთავრობამ 50 მილიონი ევრო გამოყო. რენცი მოსახლეობას პირდება, რომ უახლოეს დროში დამატებითი თანხა გამოიყოფა.

იტალიის კულტურის სამინისტრომ განაცხადა, რომ დაზარალებულთა დასახმარებლად მუზეუმების ბილეთების გაყიდვიდან შესულ მთელ თანხას გადარიცხავს. კულტურის მინისტრი მოუწოდებს იტალიელებს, მივიდნენ მუზეუმებში სტიქიის შედეგად დაზარალებული მოქალაქეების მხარდასაჭერად.

შეგახსენებთ, რომ 6,2 მაგნიტუდის მიწისძვრა 24 აგვისტოს ღამით ცენტრალურ იტალიაში, ქალაქ პერუჯადან სამხრეთ-აღმოსავლეთით მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი