ქაბულში ამერიკულ უნივერსიტეტზე თავდასხმის შედეგად 13 ადამიანი დაიღუპა, - ამის შესახებ უცხოური მედია იუწყება.

ადგილობრივი პოლიციის ინფორმაციით, მსხვერპლთა შორის 7 სტუდენტია. ასევე, მოკლულია ორი თავდამსხმელი. ამჟამად უნივერსიტეტი გათავისუფლებულია.

შეგახსენებთ, რომ უნივერსიტეტზე თავდასხმა 24 აგვისტოს ადგილობრივი დროით 19:00 საათზე განხორციელდა. თავდაპირველად შენობასთან აფეთქება მოხდა, რის შემდეგაც შენობის შიგნით სროლა დაიწყო. სტუდენტები და პედაგოგები აუდიტორიებში აღმოჩნდნენ ბლოკირებული.

უნივერსიტეტის შენობის  გათავისუფლების ოპერაცია 10 საათის განმავლობაში გრძელდებოდა, რა დროსაც სასწავლო დაწესებულებიდან 750 სტუდენტი და თანამშრომელი გაიყვანეს.

როგორც მედია საშუალება წერს, დაშავებულია 35 სტუდენტი და 9 პოლიციელი. გარდაცვლილთა შორის ასევე შენობის დაცვის სამი თანამშრომელი და სამი სამართალდამცველია.

ავღანეთის დედაქალაქში ამერიკული უნივერსიტეტის მახლობლად ასევე გენერალური პროკურატურისა და პარლამენტის შენობები მდებარეობს.

ცნობისთვის, ავღანეთში ამერიკული უნივერსიტეტი 2006 წლიდან მოქმედებს. სასწავლებელში ათასზე მეტი სტუდენტი სწვალობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია