CNN: აშშ-ის გამოძიების ფედერალური ბიურო ჰილარი კლინტონის დაკითხვას გეგმავს

2016-05-06 18:40:57, 1218 ნახვა

მსოფლიო

აშშ-ის გამოძიების ფედერალური ბიურო ყოფილი სახელმწიფო მდივნისა და პრეზიდენტობის კანდიდატის ჰილარი კლინტონის დაკითხვას გეგმავს, - ამის შესახებ CNN იუწყება.

ტელეკომპანიის ინფორმაციით, გამომძიებლებმა კლინტონის რამდენიმე თანაშემწე უკვე დაკითხეს. საქმე ჰილარი კლინტონის სახელმწიფო მდივნის თანამდებობაზე ყოფნისას სამსახურეობირივი მიმოწერისას კერძო საფოსტო სერვერის გამოყნების საქმეს ეხება.

რამდენიმე თვის წინ პრეზიდენტობის კანდიდატმა აღიარა, რომ სახელმწიფო მდივნის თანამდებობაზე ყოფნისას 2009-2013 წლებში ელექტრონული მიმოწერის დროს არა სამსახურეობრივი, არამედ საკუთარ კერძო საფოსტო სერვერი შეცდომით გამოიყენა. სულ ჰილარი კლინტონის პირად ფოსტაში შენახული იყო 2200 ელექტრონული წერილი გრიფით “საიდუმლო”. სახელმწიფო საიდუმლო ინფორმაციის შემცველი წერილების შენახვა და მათი გაგზავნა კერძო სერვერით უსაფრთხოების წესების დარღვევას წარმოადგენს.

როგორც რამდენიმე დღის წინ ამერიკულ ციხეში მყოფმა რუმინელმა ჰაკერმა განაცხადა, კლინტონის მიერ გამოყენებული კერძო საფოსტო სერვერი საერთოდ არ იყო დაცული.

CNN აღნიშნავს, რომ გამომძიებლებმა კლინტონის მიერ კანონის შეგნებულად დარღვევის მტკიცებულებები ჯერჯერობით ვერ აღმოაჩინეს. ჯერ უცნობია, როდის დაკითხავენ ყოფილ სახელმწიფო მდივანს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან