N16 დაბალი რისკის პენიტენციურ დაწესებულებას ნარკოტიკების წინააღმდეგ ბრძოლისა და სამართალდამცავ ორგანოებთან თანამშრომლობის საერთაშორისო ბიუროს ევროპისა და აზიის ქვეყნების პროგრამების ხელმძღვანელი სტუმრობდა

სასჯელაღსრულებისა და პრობაციის მინისტრის პირველი მოადგილე თამარ ხულორდავა ნარკოტიკების წინააღმდეგ ბრძოლისა და სამართალდამცავ ორგანოებთან თანამშრომლობის საერთაშორისო ბიუროს (INL) ჯგუფის ხელმძღვანელ ჯუდით კემბელთან ერთად N16 დაბალი რისკის პენიტენციურ დაწესებულებას ეწვია. დაწესებულებაში მათთან ერთად იმყოფებოდა საქართველოში ამერიკის საელჩოს სასჯელაღსრულებისა და პრობაციის საკითხებში მრჩეველი ენტონი სტრეველერი. თამარ ხულორდავამ სტუმრებს დაწესებულების საცხოვრებელი საკნები, ბიბლიოთეკა, კომპიუტერული სწავლების ოთახი, სამზარეულო, სასადილო, სამედიცინო პუნქტი და სპორტული მოედანი დაათვალიერებინა. გარდა ამისა, დაწესებულების თანამშრომლებმა ჯუდით კემბელს იმ პროგრამებისა და კურსების შესახებ მიაწოდეს ინფორმაცია, რომლებიც, მსჯავრდებულების რეაბილიტაცია-რესოციალიზაციის მიზნით ხორციელდება. სასჯელაღსრულებისა და პრობაციის მინისტრის პირველი მოადგილის განცხადებით, სტუმრებთან უკვე განხორციელებული პროექტების გარდა, სამომავლო თანამშრომლობაზეც იმსჯელეს. „ამერიკის შეერთებული შტატების მთავრობა და საქართველოში აშშ-ს საელჩო აქტიურად თანამშრომლობენ სასჯელაღსრულებისა და პრობაციის სამინისტროსთან. გვქონდა შესაძლებლობა სტუმრებისთვის სარეაბილიტაციო პროგრამები გაგვეცნო, რომლებიც დაბალი რისკის დაწესებულებაში ხორციელდება. სამომავლოდ, ამერიკის შეერთებული შტატების დახმარებით ვგეგმავთ ისეთი პროფესიული კურსების დანერგვას, რომლებიც მსჯავრდებულებს პროფესიის დაუფლების საშუალებას მისცემს. ამ ეტაპზე კულინარიის კურსების დანერგვაზე ვმუშაობთ, რადგან ეს ერთ-ერთი მოთხოვნადი პროფესიაა ჩვენს ბაზარზე“,-განაცხადა თამარ ხულორდავამ. საქართველოში ამერიკის საელჩოს სასჯელაღსრულებისა და პრობაციის საკითხებში მრჩევლის ენტონი სტრეველერის განცხადებით ვიზიტის მიზანი სასჯელაღსრულებისა და პრობაციის სამინისტროსთან ერთად ახალი სარეაბილიტაციო პროგრამების შემუშავება და ციხის მართვის ახალი კონცეფციების დანერგვაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ