ქობულეთში ხანძრით დაზარალებულ ჯინჭარაძეების ოჯახს აჭარის მთავრობა დაეხმარება

2021-12-27 12:48:31, 1729 ნახვა

რეგიონი

აჭარის მთავრობის თავმჯდომარე ქობულეთიში, ხანძრის შედეგად დაზარალებული ჯინჭარაძეების ოჯახის წევრებს შეხვდა.

აჭარის მთავრობის პრესსამსახურის ინფორმაციით, აჭარის მთავრობა ოჯახს სარეზერვო ფონდიდან დაეხმარება. 2022 წლიდან ხანძრის შედეგად დაზარალებულთა კომპენსაცია 15 ათასიდან 20 ათას ლარამდე იზრდება და ოჯახი აჭარის მთავრობის სარეზერვო ფონდიდან გაზრდილ კონპენსაციას მიიღებს.

თორნიკე რიჟვაძის გადაწყვეტილებით, რომან ჯინჭარაძეს, რომელსაც სამედიცინო დახმარება ესაჭიროება, სრულად დაუფინანსდება კვლევისა და ოპერაციის საფასური.

აჭარის მთავრობის თავმჯდომარემ აღნიშნა, რომ საჭიროა საბინაო ფონდის შექმნა და ქობულეთის მუნიციპალიტეტში სოციალური სახლის მშენებლობის დროული დაწყება.

ოჯახი, ქობულეთის მუნიციპალიტეტის მერიის მიერ უზრუველყოფილი იქნება ქირით და პირველადი საჭიროების ნივთებით.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),