ზუგიდიდს გამგეობის სოციალურმა კომისიამ სტიქიით დაზარალებული ოჯახების განცხადებების შესწავლა დაასრულა

2016-02-13 17:20:17, 858 ნახვა

რეგიონი

ზუგდიდის მუნიციპალიტეტის გამგეობის სოციალურმა კომისიამ ბენეფიციარების განცხადებების გადამოწმების პროცესი დღეს დაასრულა.

გამგეობის ინფორმაციით, სოციალურმა კომისიამ ინგირის, შამგონის, ორულუს, დიდინეძის და ხეცერის ადმინისტრაციულ ერთეულებში სტიქიის შედეგად დაზარალებული ოჯახები მოინახულა.

როგორ ზუგდიდის გამგებლის მოადგილემ, გიზო სართანიამ განმარტა, სტიქიის შედეგად დაზარალებული ოჯახების განაცხადების შესწავლა დასრულდა.

„ყველა მათგანს გავეცანით ადგილზე, შევისწავლეთ მათი ეკონომიური მდგომარეობა და სტიქიის შედეგად მიყენებული ზარალის ოდენობა. გადამოწმების შედეგებს სოციალური კომისია სხდომაზე შეაჯამებს და დაზარალებულებს შესაბამისი პროგრამების საფუძველზე გაუწევს დახმარებას“, - განაცხადა გიზო სარტანიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან