არანაირი კანონი არ ავალდებულებს არც ერთ ბიზნესმენს, მოვიდეს ამ ფორუმზე და არც ივანიშვილს, რომ ასეთი ტიპის ფორუმები გამართოს, - ამის შესახებ „გირჩის“ ლიდერმა ზურაბ ჯაფარიძემ ჟურნალისტებს „მოქალაქის“ ორგანიზებით გამართული ეკონომიკური ფორუმის დასრულების შემდეგ განუცხადა.

როგორც ჯაფარიძემ აღნიშნა, ფორუმზე ბიზნესსექტორის მდგომარეობა შეფასდა.

„ივანიშვილმა მოყვა, თუ რას აკეთებდა მთავრობა გასული 4 წლის განმავლობაში, რათა ბიზნესსექტორის მდგომარეობა გაუმჯობესებულიყო. ასევე დისკუსია იყო იმაზე, თუ რა უნდა გაკეთდეს, რომ 10 წელიწადში საქართველო ეკონომიკურად უფრო განვითარებული იყოს. მე პირადად ხაზი გავუსვი იმ საკითხებს, რაშიც ყოფილ პრემიერს არ დავეთანხმე, მათ შორის ავღნიშნე, რომ არჩევნებამდე რამდენიმე დღით ადრე მსგავსი ტიპის ფორუმები არ უნდა გაიმართოს. საუბარი მაქვს იმაზე, რომ ამ ადამინს აქვს ძალიან დიდი გავლენა და ამასთანავე ბიზნესს აქვს ძალიან ცუდი გამოცდილება ამ ქვეყანაში სახელმწიფოსთან ურთიერთობის“, - განაცხადა ჯაფარიძემ.

მისივე განმარტებით, ექს-პრემიერი მას სხვადასხვა საკითხში დაეთანხმა, თუმცა ის ვერ ხვდება, რაში არ ეთანხმება მას ბიძინა ივანიშვილი.

ჯაფარიძის განცხადებით, ბიძინა ივანიშვილმა ბიზნესმენებს მოუწოდა, მეტი ენერგია დაუთმონ იმას, რომ საზოგადოებას გააგებინონ, თუ როგორ გაუმჯობესდა ბიზნესსექტორის მდგომარეობა განვლილი 4 წლის განმავლობაში.

„თვითონ ბიზნესმენები კმაყოფილები დარჩნენ შეხვედრით. როგორც ჩანს ისინი ექს-პრემიერს ეთანხმებიან“, - განაცხადა ზურაბ ჯაფარიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იობი: ღმერთმა ინებოს, მომავალი პატრიარქის და მეფის ღვაწლით, გამოვიდეთ ამ ჭაობიდან

მერია: 12 აპრილს მეტრო 04:00 საათამდე იმუშავებს, 23:00 საათიდან მგზავრობა უფასო იქნება

პოლონეთში 5 თვის ბავშვი, სავარაუდოდ, ცემის შედეგად დაიღუპა - დააკავეს ქართველი დედა, ეძებენ მამას

POLITICO: ტრამპმა რუტეს დახურულ შეხვედრაზე შეურაცხყოფა მიაყენა, მიანიშნა შურისძიების ვარიანტებზე