2015-02-04 14:06:51, 379 ნახვა

---

თალაკვაძე: ყურადღებას ინფორმაციის მესამე პირის ხელში გადასვლას დავუთმობთ, ვიდრე ცინარიძის გარშემო პიროვნულ ასპექტებს

შინაგან საქმეთა მინისტრის მოადგილის არჩილ თალაკვაძის განცხადებით, პოლიციელებთან დაკავშირებით, "ნაციონალური მოძრაობის" მიერ გავრცელებული ვიდეომასალის თაობაზე საზოგადოებამ საკმარისი ინფორმაცია მიიღო.
როგორც თალაკვაძემ ჟურნალისტებს განუცხადა,  გენერალური ინსპექცია საკითხს იკვლევს და საზოგადოებას ეს  შედეგებიც  ეცნობება.
მისივე შეფასებით, მთავარი არა დავით ცინარიძის შემთხვევა, არამედ ინფორმაციის მესამე პირის ხელში გადასვლის საკითხია.
"ვფიქრობ, ამ შემთხვევაზე საზოგადოებამ  საკმარისი ინფორმაცია მიიღო. ერთადერთი რაც არის, რომ გენერალური ინსპექციის მიერ დაწყებული მოკვლევების შედეგები საზოგადოებას ეცნობოს. ეს არ არის დავით ცინარიძის შემთხვევა. ვფიქრობ, აქ არის სხვა საკითხები, ანუ ინფორმაციის მესამე პირის ხელში გადასვლის საკითხი. უფრო მეტად ყურადღებას ამას დავუთმობთ, ვიდრე კონკრეტულად დავით ცინარიძის გარშემო რაღაც პიროვნულ ასპექტებს, რომელიც მედიისთვის მიმზიდველი გახდა",-განაცხადა არჩილ თალაკვაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი