„ქართული ოცნების“ წარმომადგენელის, საკონსტიტუციო კომისიის წევრის ზაზა გაბუნიას განცხადებით, სიმართლეს არ შეესაბამება ინფორმაცია, თითქოს  პრეზიდენტის სტატუსისა და მისი უფლებამოსილებების შეცვლა მოხდება. კერძოდ, გაბუნიას განმარტებით, პრეზიდენტი იქნება სახელმწიფოს მეთაური,  მთავარსარდალი და ის  დანიშნავს გენშტაბის უფროსსაც და ელჩებსაც.

 გაბუნიამ პარლამენტის პლენარულ სხდომაზე, „ნაციონალური მოძრაობის“ წევრი ხათუნა გოგორიშვილი საზოგადოების მოტყუებაში დაადანაშაულა:

„თქვენი ტყუილებით დააყენეთ  უპასუხისმგებლობის მტვერი და ბუღი. ქალბატონი ხათუნა გოგორიშვილისგან მოვისმინეთ სულ ცხელ-ცხელი ტყუილი, რომ თითქოს პრეზიდენტის უფლებები, მისი სტატუსი გადაიხედება, შეიცვლება და სხვა. ქალბატონი ხათუნა რომ არ იყოს საკონსტიტუციო კომისიის წევრი, ვიფიქრებდი, რომ ის არ არის ინფორმირებული. მე, რა თქმა უნდა, მას არ ველაპარაკები, მინდა, მივმართო საზოგადოებას, რომელიც შეცდომაში შეიყვანა ქალბატონმა ხათუნამ და  დაბეჯითებით ვუთხრა, რომ საკონსტიტუციო ცვლილებების შემდეგ, არც პრეზიდენტის სტატუსი და არც მისი უფლებამოსილებები არ იქნება შეცვლილი. პრეზიდენტი იქნება სახელმწიფოს მეთაური, იქნება მთავარსარდალი, ის დანიშნავს გენშტაბის უფროსსაც, ელჩებსაც და ასე შემდეგ და ასე შემდეგ“,-განაცხადა ზაზა გაბუნიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი