დღეს,  ისლამური სამყარო რამადან ბაირამს აღნიშნავს. ამ დღესასწაულით მუსლიმებისათვის 30 დღიანი მარხვის მთავრდება.

რამადან ბაირამს მუსლიმებისთვის ისეთივე მნიშვნელობა აქვს, რაც ქრისტიანისთვის აღდგომას. დღეს მორწმუნეები ტკბილეულს გამოაცხობენ და წინაპრების საფლავებს მოინახულებენ. გარდა ამისა, მუსლიმები მთელი დღის განმავლობაში კარდაკარ დადიან და ერთმანეთს ულოცავენ ამ დღესასწაულს.

ამ დღესასწაულს წინ ერთთვიანი მარხვა უძღოდა. 30 დღის განმავლობაში განთიადიდან საღამომდე მუსლიმები ყველანაირ საჭმელზე, სასმელსა და სქესობრივ კავშირზე უარს ამბობენ. ისინი რამადანს წყალობის, პატიებისა და გადარჩენის თვეს უწოდებენ.

რამადანი მუსლიმთა კალენდრის მეცხრე თვეა. გადმოცემის თანახმად, ალაჰმა სწორედ ამ თვეში შთააგონა წინასწატმეტყველ მუჰამედს შუამავლისა და მოციქულის მისია.

მარხვის თვეში მუსლიმებისთვის მნიშვნელოვანია ღვთისმსახურება, ქველმოქმედება, გაჭირვებულების დახმარება. ქველმოქმედების ერთ-ერთი მაგალითია, მარხვის თვეში მორწმუნე ადამიანების ვახშამზე ანუ იფთარზე მიპატიჟება.

მარხვა ყველა მუსლიმს სულისა და გონების მობილიზაციას ავალდებულებს. რამადანის დროს მოხუცებს, ავადმყოფებს, მოგზაურობაში მყოფი ადამიანებსა და ორსული ქალებს უფლება აქვთ მარხვა დაარღვიონ, თუმცა წელიწადის სხვა დროს მათ ეს მარხვა აუცილებლად უნდა დაიცვან.

რამადანი 30 დღის განმავლობაში გრძელდება და სამ დღიანი ზეიმით მთავრდება.

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს