აბუ დაბიში მიმდინარე შეხვედრის ფონზე აშშ-მ და რუსეთმა პატიმრების გაცვლის მორიგი პროცესი შეასრულეს. 

რუსეთმა ორმაგი, რისეთისა და აშშ-ს მოქალაქეობის მქონე ქსენია კარელინა გაათავისუფლა. ის მას შემდეგ დააკავეს, რაც აშშ-ში დაფუძნებულ უკრაინულ საქველმოქმედო ორგანიზაციაში 100 დოლარზე ნაკლები თანხა გადარიცხა. მას ბრალად ქვეყნის ღალატი ედებოდა.

სანაცვლოდ აშშ-მ 2023 წელს კვიპროსში დაკავებული არტურ პეტროვი გაათავისუფლა. მას გერმანიისა და რუსეთის მოქალაქეობა აქვს და ბრალად მნიშვნელოვანი მიკროჩიპების ექსპორტირება ედებოდა.

The Wall Street Journal-თან საუბარში აშშ-ს ცენტრალური დაზვერვის სააგენტოს (CIA) წყარომ თქვა, რომ მოლაპარაკებები CIA-ის დირექტორსა და მის რუს კოლეგას შორის მიმდინარეობდა.

პატიმრები მხარეებმა აბუ დაბის აეროპორტში გაცვალეს.

"დღეს პრეზიდენტმა ტრამპმა რუსეთიდან კიდევ ერთი უკანონოდ დაკავებული ამერიკელი დააბრუნა სახლში. ამაყი ვარ CIA-ის თანამშრომლებით, რომლებმაც დაუღალავად იმუშავეს ამ პროცესზე, და მადლობას ვუხდით არაბთა გაერთიანებული საამიროების მთავრობას, რომ შესაძლებელი გახადა გაცვლა.“ - თქვა CIA-ის დირექტორმა, ჯონ რეტკლიფმა WSJ-სთვის მიცემულ კომენტარში.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო