დონალდ ტრამპის მიერ ტარიფების დაპაუზება გლობალური ეკონომიკის სტაბილიზაციისკენ გადადგმული მნიშვნელოვანი ნაბიჯია, - ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.

„მივესალმები აშშ-ის პრეზიდენტის, დონალდ ტრამპის გადაწყვეტილებას საპასუხო ტარიფების დაპაუზების შესახებ. ვაჭრობისა და მიწოდების ჯაჭვების ფუნქციონირებისთვის მკაფიო, პროგნოზირებადი პირობებია აუცილებელი“, - განაცხადა ურსულა ფონ დერ ლაიენმა.

მისი თქმით, ევროკავშირი აშშ-თან კონსტრუქციულ მოლაპარაკებებს მხარს უჭერს და ამისთვის მზად არის.

„ტარიფები გადასახადებია, რომლებიც ზიანს მხოლოდ ბიზნესსა და მომხმარებელს აყენებს. ამიტომ, მე ყოველთვის მხარს ვუჭერდი ნულოვან სატარიფო შეთანხმებას ევროკავშირსა და აშშ-ს შორის“, - აღნიშნა ევროკომისიის პრეზიდენტმა.

შეგახსენებთ, გუშინ აშშ-ის პრეზიდენტმა, დონალტ ტრამპმა Truth Social-ზე დაწერა, რომ სხვა ქვეყნებისთვის ტარიფების შემოღება 90 დღით დააპაუზა, ჩინეთისთვის დაწესებული ტარიფები კი 125%-მდე გაზარდა.

მანამდე, ევროკავშირის ქვეყნებმა აშშ-ს წინააღმდეგ საპასუხო ტარიფების დაწესებას დაუჭირეს მხარი, რომელიც ძალაში 15 აპრილიდან შევა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო