სტამბოლის დაპატიმრებულ მერს, ეკრემ იმამოღლუს პარიზის საპატიო მოქალაქეობა მიენიჭა. შესაბამისი გადაწყვეტილება პარიზის საქალაქო საბჭომ კენჭისყრის შედეგად მიიღო.

როგორც საფრანგეთის დედაქალაქის მერმა, ან იდალგომ პრესკონფერენციაზე განაცხადა, ამჟამად იმამოღლუს უსამართლოდ წაართვეს შესაძლებლობა, წარმომადგინოს თავისი პარტია და იყოს თურქეთის მილიონობით მოქალაქის ხმა.

„იმამოღლუ, რომელსაც წაართვეს თავისუფლებები და ფუნდამენტური უფლებები, უნდა ჰქონდეს პარიზის სრული მხარდაჭერის იმედი“, – თქვა იდალგომ.

საფრანგეთის დედაქალაქის მერმა იმედი გამოთქვა, რომ პარიზის ეს მხარდაჭერა იმამოღლუს მიმართ თურქეთის ხელისუფლებას მისცემს შესაძლებლობას, შეისმინოს დემოკრატიული გონიერების ხმა.

ეკრემ იმამოღლუ, რომელიც პრეზიდენტ რეჯეპ თაიფ ერდოღანის მთავარ პოლიტიკურ ოპონენტად მოიაზრება, 19 მარტს კორუფციისა და ტერორისტული ორგანიზაციის ხელშეწყობის ბრალდებით დააკავეს. დაკავებამდე ეკრემ იმამოღლუ განიხილებოდა მთავარი ოპოზიციური პარტიის კანდიდატად 2028 წლის საპრეზიდენტო არჩევნებზე. იმამოღლუს დაპატიმრებას თურქეთში მასობრივი საპროტესტო გამოსვლები მოჰყვა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი