2025-04-08 08:58:35, 616 ნახვა
მსოფლიო
სამხრეთ კორეაში საპრეზიდენტო არჩევნები 3 ივნისს ჩატარდება
სამხრეთ კორეაში ვადამდელი საპრეზიდენტო არჩევნები 3 ივნისს გაიმართება, - ინფორმაციას Reuters-ი ავრცელებს.
გამოცემის ცნობით, ქვეყნის მინისტრთა კაბინეტმა თარიღი ეროვნულ საარჩევნო კომისიასთან გამართული განხილვის შემდეგ შეათანხმა.
შეგახსენებთ, სამხრეთ კორეის საკონსტიტუციო სასამართლომ პრეზიდენტის იმპიჩმენტის შესახებ პარლამენტის შუამდგომლობა დააკმაყოფილა და იუნ სუკ იოლი თანამდებობიდან ოფიციალურად გაათავისუფლა. პარლამენტმა იუნ სუკ იოლის იმპიჩმენტს მხარი გასულ წელს, მის მიერ საომარი მდგომარეობის გამოცხადების გამო დაუჭირა, რამაც ქვეყანაში ათწლეულების განმავლობაში ყველაზე მძიმე პოლიტიკური კრიზისი გამოიწვია.
ავტორი: ექსპრესნიუსი,
epn.ge (@expressnews.ge)
