„ბიძინა ივანიშვილს თუკი შერჩა არგუმენტები და თავმოყვარეობა, მოვიდეს და ღია ეთერში დავსხდეთ, გავარკვიოთ და ამ საკითხში მეტი სიცხადე შევიტანოთ“,-ამის შესახებ „თავისუფალი დემოკრატების“ ლიდერმა ირაკლი ალასანიამ ე.წ. კაბელების საქმესთან დაკავშირებით  გადაცემა „არჩევანში“ განაცხადა.
ალასანიას თქმით, ე.წ. კაბელების საქმეზე დაპატიმრებული თავდაცვის სამინისტროს ყოფილი მაღალჩინოსნები  ბიძინა ივანიშვილის პირადი პატიმრები არიან.
„მინდა მოვუწოდო ბიძინა ივანიშვილს,  სწორედ ამ საკითხის განსახილველად, საჯაროდ, მზად ვარ ნებისმიერ ეთერში, თუნდაც მისთვის სასურველ მოედანზე შევხვდე და გამოვიწვიო  ამ საკითხის განხილვაში. ივანიშვილი სულსწრაფად გამოვიდა და განცხადებები გააკეთა, სადაც  რამდენიმე ტყუილი თქვა, მათ შორის თქვა პირველი ტყუილი ის, რომ  „დელტაკომი“, რომელიც  შსს-ს უფასოდ  ემსახურებოდა, რაც შემდეგ თვითონ „დელტაკომმა“ აღიარა, რომ შინაგან საქმეთა სამინისტროდან კოლოსალურ თანხებს იღებს. მინდა ვუთხრა, რომ თუკი შერჩა, არგუმენტები და თავმოყვარეობა, მოვიდეს და ღია ეთერში დავსხდეთ, გავარჩიოთ, გავარკვიოთ და ამ საკითხში სიცხადე შევიტანოთ“,-განაცხადა ირაკლი ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წლის საუკეთესო რისკებისა და შესაბამისობის პროექტი - თიბისი CyberSecurity Excellence Awards-ის გამარჯვებულია

ბაზისბანკის მობაილბანკის განახლებები, უფრო კომფორტული და თანამედროვე ციფრული გამოცდილებისთვის

საქართველოს ბანკის sCoolApp-ში მოსწავლეებისთვის ტრივიას ახალი სეზონი დაიწყო

თიბისის მოსწავლის ბარათი- მარტივი გზა ფინანსური დამოუკიდებლობისა და გონივრული ხარჯვისთვის