საქართველოს ტურიზმის ეროვნული ადმინისტრაციის ხელმძღვანელი მაია ომიაძე უზბეკეთში, გაერო მსოფლიო ტურიზმის ორგანიზაციის გენერალური ასამბლეის ფარგლებში, ევროპის კომისიის სხდომას ესწრება. ამის შესახებ ინფორმაციას ტურიზმის ეროვნული სააგენტო ავრცელებს.

ტურიზმის სააგენტოს ცნობით, რიგით 69-ე კომისიის სხდომაზე ევროპის რეგიონში მიმდინარე ტენდენციები, ტურიზმის აღდგენის დინამიკა, გამოწვევები, ეკონომიკური არასტაბილურობა და კლიმატის ცვლილება განიხილეს.

"სესიაზე საუბარი შეეხო, თუ როგორ უნდა აღდგეს ტურიზმი რეგიონში.  კომისიის სხდომაზე 2030 წლის ტურიზმის ხედვა განიხილეს, რაც  რეგიონის ეკონომიკურ გაძლიერებას, უსაფრთხოებას, თანამშრომლობის გაღრმავებას და ტურიზმის აღდგენას  ითვალისწინებს.

სესიის ფარგლებში ქართული დელეგაცია შეხვედრებს გამართავს ტურისტული ორგანიზაციების ხელმძღვანელ პირებთან ურთიერთთანამშრომლობის მიზნით.

ევროპის კომისიის სხდომის შემდეგ სამარყანდში  გენერალური ასამბლეის  25-ე სესია გაიმართება. ღონისძიებას გაეროს მსოფლიოს ტურიზმის ორგანიზაციის გენერალური მდივანი ზურაბ პოლოლიკაშვილი ოფიციალურად  გახსნის", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ

გვარამია:ავტორიტარმა უნდა მიიღოს რისიც ეშინია, ამიტომ, 26 მაისს ყველანი რუსთაველზე

სანიკიძე: ცოტნე მამაშენია ის მოძალადე, რომელსაც უნდა გაემიჯნო

19-21 აპრილს მოსალოდნელია დროგამოშვებით ნალექი