საქართველოს აეროპორტების გაერთიანების გენერალური დირექტორი ირაკლი ქარქაშაძე სამოქალაქო ავიაციის საერთაშორისო ორგანიზაციის (ICAO) ტექნიკური თანამშრომლობის ბიუროს დირექტორს, ხორხე ვარგასს შეხვდა. ამის შესახებ ინფორმაციას საქართველოს აეროპორტების გაერთიანება ავრცელებს.

მათივე ინფორმაციით, შეხვედრაზე  საქართველოს აეროპორტების გაერთიანებასა და ICAO-ს შორის თანამშრომლობის გაღრმავების პერსპექტივები განიხილეს, მათ შორის, საგანმანათლებლო მიმართულებით. საუბარი შეეხო, ასევე საქართველოს საავიაციო სფეროს განვითარების შესაძლებლობებსა და არსებულ გამოწვევებს.

,,ჩვენ აქტიურად ვთანამშრომლობთ ყველა საერთაშორისო ორგანიზაციასთან როგორც ფრენების უსაფრთხოების, ისე საგანმანათლებლო კუთხით. ჩვენს გრძელვადიან გეგმებში შედის, საქართველოს აეროპორტების გაერთიანების სასწავლო ცენტრის ბაზაზე ჩამოვაყალიბოთ UAG აკადემია, რომელიც ICAO-ს და IATA-ს საერთაშორისო სერტიფიცირებული ტრენინგ ცენტრების პირველი ქართული ანალოგი გახდება. ჩვენი პრიორიტეტია, გავზარდოთ ცნობადობა და დაინტერესება ავიაციის სფეროთი, გადავამზადოთ არსებული კადრები და მოვიზიდოთ ახალგაზრდა, კვალიფიციური ავიატორები. სწორედ ამ მიზანს მოემსახურება სამომავლოდ UAG აკადემია, რომლის ტრენინგ კურსებზეც საერთაშორისო დონეზე აღიარებული დიპლომები და სერტიფიკატები გაიცემა,-‘’განაცხადა ირაკლი ქარქაშაძემ.

შეხვედრას აეროპორტების გაერთიანების სათავო ოფისში, ICAO-ს ტექნიკური თანამშრომლობის ბიუროს ტექნიკური ოფიცერი ემნეთ გებრუ და საველე სამუშაოების აღმასრულებელი ოფიცერი დენის კუბატი ესწრებოდნენ. ქართული მხრიდან კი  შეხვედრას საქართველოს აეროპორტების გაერთიანების საავიაციო ბიზნესგანვითარების სამსახურის უფროსი ვაკო ჭილაშვილი და საავიაციო ბიზნესგანვითარების სამსახურის უფროსი კოორდინატორი სალომე ხუნდაძე დაესწრნენ.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო