გასული ღამის განმავლობაში რუსეთმა უკრაინის მიმართულებით 430 დრონი და 68 რაკეტა გაუშვა, - ინფორმაციას უკრაინის პრეზიდენტი, ვოლოდიმირ ზელენსკი სოციალურ ქსელში ავრცელებს.

„რუსების მთავარი სამიზნე კიევის ოლქის ენერგეტიკული ინფრასტრუქტურა იყო, მაგრამ, სამწუხაროდ, პირდაპირი დარტყმები იყო საცხოვრებელ შენობებზე, სკოლებსა და სამოქალაქო საწარმოებზე. ბოლო მონაცემებით, ოთხი ადამიანი დაიღუპა“, - წერს ზელენსკი X-ზე.

მისი თქმით, „რუსების მსგავსი დარტყმები პარტნიორებისთვის შეხსენებაა იმისა, რომ საჰაერო თავდაცვის სისტემები და რაკეტები ყოველდღიური საჭიროებაა“.

„რუსეთი შეეცდება ახლო აღმოსავლეთში ომი გამოიყენოს, რათა აქ, ევროპაში, უკრაინაში კიდევ უფრო მეტი ნგრევა გამოიწვიოს. ამიტომ, შესაბამისად უნდა მოვემზადოთ. ევროპამ საჰაერო თავდაცვის რაკეტების წარმოება უნდა განავითაროს, კერძოდ ისეთის, რომელსაც ბალისტიკური საფრთხეებისთვის წინააღმდეგობის გაწევა შეუძლია. ევროპას ამ დონეზე დაცვის უზრუნველყოფა შეუძლია“, - აცხადებს უკრაინის პრეზიდენტი.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი