ინფექციური საავდმყოფოს დირექტორის, თენგიზ ცერცვაძის განცხადებით, გვიან ღამით ლუგარიდან კორონავირუსზე 12 პაციენტის პასუხი უნდა მოვიდეს.

როგორც მან აღნიშნა, კორონავირუსით ინფიცირებული არასრულწლოვნების მდგომარეობა მსუბუქი და დამაკმაყოფილებელია.

„გვიან ღამით ველოდებით 12 პაციენტის პასუხს. ექსპერტების მოსაზრება გაიყო ერთ-ერთ შემთხვევაზე ჩათვლილიყო თუ არა მეოთხეულ გავრცელებად. ჩემი პირადი მოსაზრება არის, რომ ეს არ იყო მეოთხეული გავრცელება, რამდენადაც ის პაციენტი ძალიან დამაჯერებლად არა, მაგრამ მაინც ამბობდა ვისგან დაინფიცირდა. მეტი ალბათობით ის ამბობდა ვისგან დაინფიცირდა, ვიდრე არა. ამიტომ, ეს არ არის მეოთხეული გავრცელება ან თუ არის მხოლოდ ერთადერთი შემთხვევაა, მაგრამ ვთვლი, რომ ჯერ არ არის.

არასრულწლოვნების მდგომარეობა კარგია არა, მაგრამ მსუბუქი და დამაკმაყოფილებელია“, - განაცხადა თენგიზ ცერცვაძემ.

ცნობისთვის, ამ დრომდე საქართველოში კორონავირუსის 38 დადასტურებული შემთხვევაა. კარანტინის რეჟიმში იმყოფება 1344 ადამიანი, სტაციონარში მეთვალყურეობის ქვეშ რჩება 216 პირი, ხოლო ერთი პაციენტი გამოჯანმრთელებულია, რომელიც ბინაზე გაეწერა.

ავტორი: ექსპრესნიუსი,

სოციალური ქსელები

რკინიგზას თბილისი-ქუთაისის მიმართულება დაემატება

ოკუპანტების მიერ დაკავებული საქართველოს მოქალაქე თავისუფალია

ახალი მოდელები, ფლიტ მენეჯმენტი და B2B მიმართულების გაფართოება - „ჯილი ცენტრი თეგეტამ“ 2026 წლის პირველ კვარტალში რეკორდული შედეგები აჩვენა

დენის ფასის გაზრდის მიუხედავად, ოცნებამ 157 ენერგეტიკულ კომპანიას 1 მილიარდი ლარის ჯარიმები აპატია