მეჭიაური: ეროვნულ ბანკს საფინანსო ზედამხედველობის სააგენტოში შიდა აუდიტის ჩატარების უფლება ექნება

2015-06-26 18:43:13, 610 ნახვა

ეკონომიკა

ეროვნულ ბანკს საფინანსო ზედამხედველობის სააგენტოში შიდა აუდიტის ჩატარების უფლება ექნება, – ამის შესახებ პარლამენტის საფინანსო-საბიუჯეტო კომიტეტის თავმჯდომარემ თამაზ მეჭიაურმა პლენარულ სხდომაზე განაცხადა, სადაც "ეროვნული ბანკის შესახებ" კანონში დაგეგმილ ცვლილებებს პარლამენტი პირველი მოსმენით იხილავს. მისი თქმით, ამ მექანიზმით უზრუნველყოფილი იქნება, რომ სააგენტო კონტროლს მიღმა არ დარჩეს.

„რომ არ ყოფილიყო კითხვის ნიშნები იმასთან დაკავშირებით, რომ ეროვნულ ბანკს სააგენტოზე ზემოქმედების ფუნქცია აღარ რჩება, გადავწვიტეთ, ეროვნულ ბანკს ჰქონდეს მისი შიდა აუდიტის ჩატარების უფლება. ასე სააგენტო კონტროლს მიღმა არ დარჩება. თუ რაიმე დასახვეწი იქნება, მზად ვართ, მეორე მოსმენისას გავასწოროთ“, – განაცხადა თამაზ მეჭიაურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან