პარტია „თავისუფალი დემოკრატების“ ლიდერები  ირაკლი ალასანია და  ალექსი პეტრიაშვილი  საქართველოში აკრედიტებული დიპლომატიური კორპუსის წარმომადგენლებს შეხვდნენ.
„თავისუფალი დემოკრატების“ პრესსამსახურის ინფორმაციით,  შეხვედრაზე განიხილეს ქვეყანაში მიმდინარე მოვლენები და საარჩევნო კანონმდებლობასთან დაკავშირებული  პრობლემები.
როგორც შეხვედრის დასრულების შემდეგ ალასანიამ აღნიშნა, შეხვედრაზე ასევე განიხილეს „თავისუფალი დემოკრატების“ საქმიანობა კოალიციიდან გასვლის შემდეგ.
,,დეტალურად ვისაუბრეთ უსაფრთხოების გარემოზე და იმ პრობლემებზე, რომელიც უსაფრთხოების კუთხით საქართველოს დაუდგა. ვისაუბრეთ, ასევე, რუსეთზეც, შევეხეთ, ასევე, საქართველოში შექმნილ პოლიტიკურ ვითარებას. მინდა გითხრათ, რომ საერთაშორისო თანამეგობრობა მოწადინებულია, რომ მხარი დაუჭიროს ისეთი გარემოს შექმნას ჩვენს ქვეყანაში, რომელიც ყველა ოპოზიციური ძალისთვის გახსნის სივრცეს რეალურად კონკურენტულ გარემოში ყოფნისა და იმისა, რომ მოემზადოს არჩევნებისთვის. განსაკუთრებით საუბარი იყო კონკრეტულ ფინანსური რესურსების ხელმისაწვდომობაზე, რის გარეშეც პოლიტიკის კეთება წარმოუდგენელი იქნება", - განაცხადა ირაკლი ალასანიამ.
დიპლომატიურ კორპუსთან შეხვედრას  ესწრებოდნენ მაია ფანჯიკიძე, დავით ზალკალიანი და ირაკლი ჩიქოვანი.
 შეხვედრა დახურულ ფორმატში გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს