საქართველოს პრეზიდენტის ადმინისტრაციის უფროსის მოადგილე, პრეზიდენტის მრჩეველი ეკონომიკურ საკითხებში გიორგი აბაშიშვილი ეროვნული ბანკიდან საზედამხედველო ფუნქციის გამოყოფის საკითხზე კომერციული ბანკების ხელმძღვანელებს შეხვდა.

პრეზიდენტის ადმინისტრაციის ინფორმაციით, მან საბანკო სექტორის წარმომადგენლებს პარლამენტის საფინანსო-საბიუჯეტო კომიტეტის მიერ მომზადებულ საკანონმდებლო ინიციატივასთან დაკავშირებით პრეზიდენტის ადმინისტრაციის პოზიცია გააცნო და აღნიშნულ თემასთან დაკავშირებით ბანკირების მოსაზრებები მოისმინა.

 პრეზიდენტის მრჩეველთან შეხვედრას საქართველოს წამყვანი კომერციული ბანკების ხელმძღვანელი პირები დაესწრნენ. მათ შორის „თიბისი ბანკის“ დირექტორი, „საქართველოს ბანკის“ გენერალური დირექტორი, „ლიბერთი ბანკის“ გენერალური დირექტორი, „ბაზის ბანკის“ გენერალური დირექტორი, „ვითიბი ბანკის“ დირექტორი, „ბანკი ქართუს“ გენერალური დირექტორი და სხვა.

 შეხვედრას ორგანიზება საქართველოს ბანკებისა და ბიზნესის ასოციაციებმა გაუწიეს.

"აღნიშნულ საკითხთან დაკავშირებით ჩვენ უკვე გვქონდა ერთი შეხვედრა ექსპერტებთან. დღეს იყო შეხვედრა საბანკო სექტორთან, რომელსაც ასევე პირდაპირ ეხება კანონის აღნიშნული ცვლილებები. ორივე ამ შეხვედრაზე კიდევ ერთხელ დადასტურდა, რომ ის ფორმა და შინაარსი, რომლითაც ახლა კანონპროექტია წარდგენილი აბსოლუტურად მიუღებელი, ნაჩქარევადაა მომზადებული და ძალიან ბევრ კითხვას ბადებს, რამდენად არის ეს პროფესიული დისკუსიის საგანი და ხომ არ არის აქ სხვა ტიპის გადაწყვეტილება. თავისთავად ცხადია, რომ როდესაც ასეთი ტიპის კანონპროექტი იქმნება, ძალიან დიდი მნიშვნელობა აქვს პროფესიული წრეების ჩაბმულობას, იმ სფეროს, ამ შემთხვევაში საბანკო სექტორის მონაწილეობას, რომელსაც უშუალოდ ეხება აღნიშნული კანონპროექტი. შესაბამისად მნიშვნელოვანია, რომ სწრაფად მიიღონ შესაბამისი გადაწყვეტილება, რომ არ მოხდეს აღნიშნული კანონპროექტის განხილვა მსგავსი ფორმითა და შინაარსით."- განაცხადა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა