"ტავ-ურბან ჯორჯიას“ მგზავრის მომსახურებაზე დაწესებული ტარიფის ზრდა ეზღუდება. 

კომპანიასთან 2005 წელს დადებული თბილისის საერთაშორისო აეროპორტის კონცესიის ხელშეკრულების განახლებული ვარიანტის თანახმად, ტარიფის ყოველწლიური ზრდა იზღუდება და ფასის მატება მხოლოდ 3 ეტაპად, თითო-თითო დოლარით მოხდება.
„საქართველოს აეროპორტების გაერთიანების" დირექტორის ქეთევან ალექსიძის განცხადებით, ამ შეთანხმებით რამდენიმე ათეული მილიონი დაიზოგება.
„დღევანდელი რედაქციით ხელშეკრულება ითვალისწინებდა ყოველწლიურად ფასის მატების შესაძლებლობას. მივედით კონსესუსამდე, რომ ყოველწლიური ზრდა შევზღუდეთ. ბოლო 10 წლის განმავლობში „ტავს“ ტარიფი არ გაუზრდია, მიუხედავად იმისა, რომ ამის საშულება ჰქონდა და საბოლოო ჯამში შეზღუდვის საფუძველზე, რომელიც ჩვენ დავაწესეთ ფასის მატების ნაწილში, ჯამურად დაახლოებით 30 მილიონით იმაზე ნაკლები იქნება, რაც იქნებოდა ძველი ხელშეკრულებით. აეროპორტი იღებს კონკრეტულ გადასახადს ერთ გამფრენ მგზავრზე, რომელიც 22 დოლარია, რაც შედის საბოლოოდ ბილეთის ფასში. ბილეთი, რომელიც ღირს მაგალითად 380 დოლარი, ორ წელიწადში ეღირება  381 დილარი“, - განაცხადა ქეთევან ალექსიძემ.
მისივე თქმით, ასაფრენი ზოლის რეაბლიტაცია თბილისის საერთაშორისო აეროპორტს შესაძლებლობას მისცემს, კონკურენცია გაუწიოს სხვა აეროპორტებს და ახალი ავიაკომპანიები მოიზიდოს.
ცნობისთვის, ხელშეკრულების თავდაპირველ ვარიანტში მგზავრის მომსახურებაზე დაწესებული ტარიფის გაზრდა 12%-ით იყო შესაძლებელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა