საკონსტიტუციო სასამართლოს მოსამართლეობის კანდიდატმა მანანა კობახიძემ მოსახლეობას ევროპარლამენტის მიერ ვიზალიბერალიზაციის მხარდაჭერა მიულოცა. 

როგორც კობახიძე სოციალურ ქსელ Facebook-ის საკუთარ გვერდზე წერს, ქვეყანა ევროპული ოჯახის სრულუფლებიანი წევრი აუცილებლად გახდება. 

"გილოცავთ, ყველას! ევროპარლამენტმა ჩვენი მოქალაქეების უვიზო მიმოსვლას 553 ხმით მხარი დაუჭირა! მადლობა ყველას, ვინც მცირედი წვლილი მაინც შეიტანა ამ ისტორიულ საქმეში! მადლობა, პირველ რიგში, ქართველ ხალხს ევროპული არჩევანისთვის! მჯერა, რომ ჩვენი ქვეყანა აუცილებლად გახდება ევროპული ოჯახის სრულუფლებიანი წევრი და ისარგებლებს ყველა იმ სიკეთით, რაც განვითარებულ ეკონომიკას, სოციალურ სოლიდარობას, კანონის და სამართლის უზენაესობას მოაქვს! ამისთვის, ჯერ კიდევ ბევრი უნდა ვიშრომოთ!", - წერს მანანა კობახიძე. 

შეგახსენებთ, რომ ევროპარლამენტმა საქართველოს მოქალაქეებისათვის უვიზო მიმოსვლის რეჟიმის შემოღებას მხარი დაუჭირა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო

კობახიძე: მივესალმებით აშშ-სა და ირანს შორის ცეცხლის შეწყვეტის შეთანხმებას

რას ამბობს სტრასბურგის სასამართლო აფგან სადიგოვის საქართველოდან გაძევებაზე

გიგა ავალიანის მკვლელობისთვის 2 არასრულწლოვანს 10.6 წლით, 1-ს 6.9 წლით პატიმრობა მიუსაჯეს