ხვალ, 11 მაისს, 11:00 საათზე კულტურის საერთაშორისო ცენტრში „მუზა“ მოქანდაკეთა საერთაშორისო სიმპოზიუმი  „ქანდაკების არსი თანამედროვე სამყაროში“ გაიხსნება.

მსგავსი ღონისძიება საქართველოში პირველად ტარდება და მერაბ ბერძენიშვილის ინიციატივითა და  კულტურის საერთაშორისო ცენტრის „მუზა“ ორგანიზებით ხორციელდება.

მოქანდაკეთა  საერთაშორისო სიმპოზიუმი ქართველი ხელოვანებისა და მოქანდაკეების გამოფენით გაიხსნება და 5 დღეს გასტანს.

სიმპოზიუმის  მიზანს წარმოადგენს ქართველი და უცხოელი  ხელოვანების, მოქანდაკეების ერთ სივრცეში  ინტეგრირება და თანამედროვე  ქანდაკების  აქტუალური საკითხებისა და ტენდენციების განხილვა, ახალი ტექნოლოგიებისა და მიმართულებების დანერგვა.  სიმპოზიუმი  წარმართული იქნება საერთაშორისო სტანდარტებისა და ნორმების დაცვით.  გაიმართება „ვორქშოპები“, პრეზენტაციების წარდგენა. 

ღონისძიებაში მონაწილეობას მიიღებენ ხელოვანები სხვადასხვა ქვეყნიდან: იტალია, ესპანეთი/მარბეა,  თურქეთი, ირანი,  საბერძნეთი, აზერბაიჯანი,   იტალია, საფრანგეთი, ფინეთი. 

მოქანდაკეთა  საერთაშორისო სიმპოზიუმი „ქანდაკების არსი თანამედროვე სამყაროში“ საქართველოს კულტურისა და ძეგლთა დაცვის სამინისტროს,   თბილისის კულტურულ ღონისძიებათა ცენტრის  ხელშეწყობითა და თანადგომით ხორციელდება.

სიმპოზიუმის დასრულების შემდეგ, მომზადდება ხელოვნების საერთაშორისო არტ კატალოგი, სადაც დეტალურად იქნება აღწერილი ღონისძიების მიმდინარეობა, ვიზუალური მასალა, სტატიები, პრეზენტაციების  რეზიუმე, რომელიც ერთგვარი სახელმძღვანელო იქნება ხელოვნების  სფეროში მოღვაწეებისათვის. 

ღონისძიებას  დაესწრებიან: საქართველოს კულტურის სამინისტროს წარმომადგენლები,   ქალაქ თბილისის საკრებულოს თავმჯდომარე,  ქალაქ თბილისის მერი, ხელოვანები: მხატვრები, ექსპერტები, მოქანდაკეები;  დიპლომატიური კორპუსი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს