„გასულ წლებში მიმდინარე სერთიფიცირების პროცესმა პედაგოგის ცოდნა ვერ შეაფასა“, – ამის შესახებ ჟურნალისტებს პედაგოგთა და მეცნიერთა თავისუფალი პროფკავშირის პრეზიდენტმა მაია კობახიძემ განუცხადა.
კობახიძის  შეფასებით,  საჯარო სკოლებში განათლების ხარისხის ასამაღლებლად, მნიშვნელოვანია სერტიფიცირების პროცესის დახვეწა.
„გასულ წლებში მიმდინარე სერთიფიცირების პროცესმა შედეგები ვერ მოგვცა. მან რეალურად ვერ შეაფასა პედაგოგების ცოდნა და გამოცდილება, ვერ აამაღლა განათლების ხარისხი საჯარო სკოლებში. სერტიფიცირების პროცესის დახვეწა  ნამდვილად უმნიშვნელოვანესი პროცესია, განსაკუთრებით სახელმწიფო კომისიის მუშაობა, რომელმაც უნდა განსაზღვროს მასწავლებლების ისეთი მნიშვნელოვანი პროფესიული დოკუმენტები, რომლებიც შემდგომში  განათლების ხარისხზე რა თქმა უნდა პოზიტიურად იმოქმედებს. პროფკავშირები ჩავერთვებით ამ სამუშაო პროცესში, რაც იმას ნიშნავს, რომ მასწავლებლების პროფესიული ინტერესები დაცული იქნება და გათვალისწინებული“, – აღნიშნა კობახიძემ.
მისივე თქმით,  ყურადღება განსაკუთრებით პედაგოგებისთვის კრედიტების მინიჭების სისტემაზე უნდა გამახვილდეს.
„კრედიტები ადეკვატური უნდა იყოს  მასწავლებლების აქტივობების მიხედვით. ასევე განსაკუთრებით მნიშვნელოვანია მასწავლებლების შეფასების კრიტერიუმები და ვინ იქნებიან პედაგოგების შემფასებლები. რამდენად პროფესიონალი და გათვითცნობიერებული პიროვნებები შეაფასებენ მასწავლებლებს საგაკვეთილო პროცესში მისი პრაქტიკული საქმიანობის დროს“, – განაცხადა მაია კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ