თავდაცვის მინისტრის პოსტზე წარდგენილი თინა ხიდაშელი და გარემოს დაცვის მინისტრის პოსტზე წარდგენილი გიგლა აგულაშვილი თავიანთ უწყებებში მისვლას ორშაბათს გეგმავენ.

როგორც ხიდაშელმა შეხვედრის დასრულების შემდეგ ჟურნალისტებს განუცხადა, ისინი პრემიერ-მინისტრთან 24-საათიან მუშაობის რეჟიმზე შეთანხმდნენ.

„ეს პირველი შეხვედრა იყო და ჩვენ შევთანხმდით  პრემიერთან 24-საათიან სამუსაო  რეჟიმზე  7 დღის განმავლობაში  მუდმივ კონტაქტზე და ერთობლივ  საქმიანობაზე.  რამდენიმე ის ღონისძიება გავიარეთ, რაც ამ კვირაში სასწრაფოდ არის გასავლელი. ამის შემდეგ პირველი ღონისძიება არის სამინიტროში მისვლა ორშაბათს ათ საათზე მე და ბატონი მინდია მივალთ სამინისტროში და ის უკვე ოფიციალურად გადმომაბარებს სამუშაო ოთახს და რეჟიმს“,-განაცხადა ხიდაშელმა.

კითხვაზე იყო თუ არა პრემიერთან მინდია ჯანელიძის თანადებობიდან  გადაყენების  მიზეზები განხილული, ხიდაშელის განცხადებით ეს კითხვა მისთვის აქტუალური არ არის.

„ ეს კითხვა ჩემთვის აქტუალური არ არის. იმ მარტივი მიზეზის გამო, რომ მინდია ჯანელიძე არსად არ წასულა  ჩვენთვის ეს საინტერესო იქნებოდა იმ შემთხვევაში ჯანელიძე სახლში, რომ გაეშვათ, მაგრამ ის ძალიან მნიშვნელოვანი საბჭოს ხელმძღვანელია. ის დაბრუნდა თავის თანამდებობაზე  თავდაცვაში  ზუსტად იმავე სეგმენტს კურირებს, როგორც აქამდე“,-აღნიშნა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა