შალვა თადუმაძის განმარტებით ხიდაშელს, აგულაშვილს და ხეჩიკაშვილს მინისტრის უფლებამოსილებები აქვთ

2015-05-01 17:16:55, 369 ნახვა

პოლიტიკა

მთავრობის საპარლამენტო მდივნის შალვა თადუმაძის განმარტებით, თინა ხიდაშელს, გიგლა აგულაშვილს და ტარიელ ხაჩიკაშვილს შეუძლიათ, მინისტრის უფლებამოსილება განახორციელონ.

ამის შესახებ თადუმაძემ ჟურნალისტებს მთავრობის ადმინისტრაციაში განუცხადა.

„მთავრობის ყველა წევრი, რომელიც მინისტრის თანამდებობაზე დაინიშნა, უფლებამოსილია მინისტრის მოვალეობა განახორციელოს“, – აღნიშნა თადუმაძემ.

ცნობისთვის, დღეს პრემიერ–მინისტრის მოვალეობის შემსრულებელმა ირაკლი ღარიბაშვილმა სამი ახალი მინისტრობის კანდიდატი დაასახელა.

თავდაცვის მინისტრის პოსტზე თინა ხიდაშელის, გარემოსა და ბუნებრივი რესურსების თანამდებობაზე გიგლა აგულაშვილი, სპორტისა და ახალგაზრდობის საქმეთა მინისტრად კი ტარიელ ხეჩიკაშვილი დაასახელა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან