ბელარუსის რესპუბლიკის პრეზიდენტი საქართველოში დაგეგმილი ოფიციალური ვიზიტის ფარგლებში დღეს აჭარას სტუმრობს.

ალექსანდრ ლუკაშენკო დღეს აჭარის მთავრობის თავმჯდომარე არჩილ ხაბაძესთან ოფიციალურ შეხვედრას გამართავს. შეხვედრას აჭარის მთავრობის წევრები დაესწრებიან.

აჭარის მთავრობის პრესსამსახურის ინფორმაციით, მოგვიანებით სასტუმრო „შერატონში“ ცერემონია გაიმართება, სადაც ხელი მოეწერება ბრესტისა და ბათუმის დამეგობრების ხელშეკრულებას. ხელმოწერის ცერემონიალს დაესწრება საქართველოს პრეზიდენტი გიორგი მარგველაშვილი.

ვიზიტის ფარგლებში ბელარუსის დელეგაციის წევრები, საქართველოს ვიცე-პრემიერი გიორგი კვირიკაშვილი და აჭარის სოფლის მეურნეობის მინისტრი ზაურ ფუტკარაძე მოინახულებენ ქობულეთში არსებულ აგრო სერვის ცენტრის სანერგე მეურნეობას. ასევე, ბელარუსის ოფიციალური დელეგაცია დაათვალიერებს ბათუმის ბოტანიკურ ბაღს.

შეგახსენებთ, ბელარუსის პრეზიდენტმა ალექსანდრ ლუკაშენკომ შეხვედრები უკვე გამართა საქართველოს პრეზიდენტთან გიორგი მარგველაშვილთან, პრემიერ-მინისტრთან ირაკლი ღარიბაშვილთან და საქართველოს კათოლიკოს პატრიარქთან უწმინდესთან და უნეტარესთან ილია მეორესთან. 

ბელარუსის პრეზიდენტის 3-დღიანი ოფიციალური ვიზიტი ბათუმში სტუმრობით დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი