საქართველოს მთავრობასა და კომპანია "გილეად"-ს შორის  ურთიერთგაგების მემორანდუმს მოეწერა ხელი. ხელმოწერის ცერემონია სასტურმო "ქორთიარდ მარიოტში" შედგა.

ამ ხელმოწერით საფუძველი ეყრება  საზოგადოებრივი ჯანდაცვის ახალ პროექტს, რომლის  ანალოგი აქამდე არ განხორციელებულა. პროგრამის მიზანია C ჰეპატიტის ელიმინაცია საქართველოში" და ქვეყანაში ამ ვირუსით  გამოწვეული ავადობის  და სიკვდილიანობის  შემცირება, ახალი შემთხვევების აღმოცენების პრევენცია.

პროექტი განხორციელდება საქართველოს შრომის, ჯანმრთელობისა და სოციალური  დაცვის სამინისტროს მიერ, ამერიკის შეერთებული შტატების  დაავადებათა კონტროლის  ცენტრისა და  მედიკამენტების  მწარმოებელი  კომპანია "გილეად"-ის მხარდაჭერით.

C ჰეპატიტის  ელიმინაციის ღონისძიებები დაავადების პრევენციასთან ერთად, ითვალისწინებს  დაავადებული პაციენტებისათვის C  ჰეპატიტის სამკურნალო, ახალი  თაობის  მედიკამენტების მიწოდებას, ასევე აუცილებელი დიაგნოსტიკური კვლევების თანადაფინანსებას.

პროექტის ფარგლებში ხელმისაწვდომი იქნება C ჰეპატიტის სამკურნალო ახალი  თაობის  პრეპარატები სოფოსბუვირი (პირველი ეტაპი) და ჰარვონი (მეორე ეტაპი), რომლებიც  წინათაობის მედიკამენტებისგან  განსხვავებით გამოირჩევა მაღალი ეფექტიანობით და გვერდითი  მოვლენების სიმცირით.

მემორანდუმს ხელი მოაწერეს პრემიერ-მინისტრმა ირაკლი ღარიბაშვილმა, ჯანდაცვის მინისტრმა  დავით სერგეენკომ, კომპანია "გილეადის" გენერალურმა  დირექტორმა ჯონ მარტინმა და კომპანიის  ვიცე- პრეზიდენტმა გრეგ ალტონმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება