საქართველოს პრეზიდენტმა გიორგი მარგველაშვილმა და ქართულმა დელეგაციამ ლატვიის პრემიერ-მინისტრთან ლაიმდოტა სტრაუიუმასთან შეხვედრისას ორმხრივი პოლიტიკური და ეკონომიკური ურთიერთობები განიხილეს.

როგორც „ექსპრესნიუსს“ პრეზიდენტის ადმინისტრაციის პრესსამსახურიდან აცნობეს, შეხვედრის  ერთ-ერთი მთავარი თემა მაისში დაგეგმილი აღმოსავლეთ პარტნიორობის რიგის სამიტი იყო.

განსაკუთრებული ყურადღება დაეთმო  ევროკავშირთან ასოცირების შეთანხმებასა და ღრმა და ყოვლისმომცველი თავისუფალი სავაჭრო სივრცის შესახებ ხელშეკრულების ეფექტიანი იმპლემენტაციის მნიშვნელობას, ასევე ევროკავშირის აღმოსავლეთ პარტნიორობის ფარგლებში თანამშრომლობას. საქართველოს დელეგაციამ შეხვედრისას იმედი გამოთქვა, რომ აღმოსავლეთ პარტნიორობის რიგის სამიტზე სათანადოდ იქნება შეფასებული საქართველოს მიერ ევროპული ინტეგრაციის გზაზე გადადგმული ნაბიჯები.

საუბარი ასევე შეეხო რეგიონში შექმნილ უსაფრთხოების გარემოს.  მხარეებმა საქართველოს ტერიტორიული მთლიანობის წინაშე არსებულ საფრთხეებზეც იმსჯელეს. გიორგი მარგველაშვილმა ლატვიის პრემიერ-მინისტრს მადლობა გადაუხადა  საქართველოს სუვერენიტეტის, ტერიტორიული მთლიანობისა, და ევროპულ და ევროატლანტიკურ სტრუქტურებში ინტეგრაციის  მხარდაჭერისათვის.

ლატვიის პრემიერ-მინისტრთან სამუშაო სადილს საქართველოსა და ლატვიის დელეგაციების წევრებიც ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა