ჯანელიძე: ნატო-საქართველოს არსებითი პაკეტის საკითხზე მთავრობის სპეციალური სხდომის გამართვისთვის ხელშემშლელ გარემოებას ვერ ვხედავ

2015-04-01 15:02:34, 362 ნახვა

პოლიტიკა

"ნატო-საქართველოს არსებითი პაკეტის იმპლემენტაციის საკითხზე მთავრობის სპეციალური სხდომის გამართვისთვის ვერანაირ ხელშემშლელ გარემოებას ვერ ვხედავ",-ამის შესახებ საქართველოს თავდაცვის მინისტრმა მინდია ჯანელიძემ ჟურნალისტებს განუცხადა.
"მთავრობის მიმართ იყო საქართველოს პრეზიდენტის წინადადება, რომ არსებითი პაკეტის იმპლემენტაციის საკითხზე გამართულიყო სპეციალური სხდომა. ასეთი სხდომის გამართვისთვის ვერანაირ ხელშემშლელ გარემოებას ვერ ვხედავ",-განაცხადა მინდია ჯანელიძემ და აქვე დასძინა, რომ პაკეტის იმპლემენტაციის პროცესი ძალიან წარმატებულად მიმდინარეობს.
შეგახსენებთ, საქართველოს პრეზიდენტმა გუშინ პარლამენტში განაცხადა, რომ ადმინისტრაციამ თავდაცვის სამინისტროს ნატო-ს პაკეტის იმპელემენტაციასთან დაკავშირებით ინფორმაციის მიწოდება რამდენჯერმე სთხოვა, თუმცა პასუხი არ მიუღიათ

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან