სოსო ფხაკაძე კონკურენციის სააგენტოსთან დავაზე: დარწმუნებული ვარ ჩვენს სიმართლეში, აუცილებლად გავიმარჯვებთ

2016-07-18 15:01:43, 971 ნახვა

კომენტარი

"ვისოლ ჯგუფის" დირექტორი სოსო ფხაკაძე „ვისოლ პეტროლიუმ ჯორჯიასა“ და კონკურენციის სააგენტოს შორის არსებულ სამართლებრივ დავას გამოეხმაურა.

როგორც ფხაკაძემ თემის კომენტირებისას ჟურნალისტებს განუცხადა, დარწმუნებულია, დავას სამართლიანად მოიგებს:

"ჩვენ ვაგრძელებთ ჩვენი ინტერესების დაცვას, უკვე სამართლებრივ ფარგლებში, სასამართლოს ვგულისხმობ. დარწმუნებული ვარ ჩვენს სიმართლეში, რომ ჩვენ აუცილებლად გავიმარჯვებთ",-განაცხადა სოსო ფხაკაძემ.

შეგახსენებთ, "ვისოლი" იმ ხუთ უმსხვილეს საწვავის რეალიზატორ კომპანიას შორის არის, რომელთაც შეთანხმებული ფასით მოქმედების მოტივით, საერთო ოდენობით 51.6 მლნ ლარის ჯარიმა დაეკისრათ.

ვისოლმა დაკისრებული 10.4 მლნ ლარის ჯარიმა სადავო გახადა.

რაც შეეხება დაყადაღების წესის ცვლილებას, ფხაკაძის თქმით, ამ პროცესში თავადაც იყვნენ ჩართული და ფიქრობს, რომ ხელისუფლებამ კარგი გადაწყვეტილება მიიღო

"კარგი გადაწყვეტილებაა, იმ სხვა პაკეტებთან ერთად, რომელიც უკანასკნელ პერიოდში მიიღეს, ეს ეხება მოგების გადასახადს, დამატებითი ღირებულების გადასახადსმ როდესაც იმპორტი ხდება მანქანა დანადგარების და კარგია, რომ ამ კუთხით უნდა ვიმუშაოთ როგორც ხელსიუფლებამ, ასევე ბიზნესმა, რომ რაც შეიძლება მეტი გავუკეთოთ ბიზნესს, რათა განვითარდეს და უფრო მეტი ინვესტიციები შეიქმნას და შეიქმნას სამუშაო ადგილები",-აღნიშნა სოსო ფხაკაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან