ავსტრალიის თავდაცვის დეპარტამენტი უკრაინისთვის 168 მილიონი აშშ დოლარის (250 მილიონი ავსტრალიური დოლარი) სამხედრო დახმარების გადაცემას გეგმავს.

Kyivindependent-ის ცნობით, ეს არის ყველაზე დიდი დახმარების პაკეტი, რომელიც ქვეყანამ  სრულმასშტაბიანი ომის დაწყების შემდეგ გამოყო.

პაკეტში შედის საჰაერო თავდაცვის რაკეტები, ტანკსაწინააღმდეგო იარაღი, ჭურვები, საბრძოლო მასალა, სამხედრო ჩექმები და ა.შ. 

“უაღრესად ქმედუნარიანი საჰაერო თავდაცვის შესაძლებლობების მიწოდება წარმოადგენს ავსტრალიის უდიდეს მხარდაჭერის პაკეტს უკრაინისთვის და დიდ წვლილს შეიტანს მის ძალისხმევაში, კონფლიქტი დაასრულოს თავისი პირობებით“,- განაცხადა ავსტრალიის ვიცე-პრემიერმა და თავდაცვის მინისტრმა, რიჩარდ მარლსმა.

ქვეყნის თავდაცვის დეპარტამენტის ცნობით, ახლადგამოცხადებული თანხების დამატებით, ავსტრალიის მიერ უკრაინისთვის გაწეულმა მთლიანმა დახმარებამ  1,3 მილიარდ ავსტრალიურ დოლარს მიაღწია (878 მილიონი აშშ დოლარი).

ავტორი: ექსპრესნიუსი,

სოციალური ქსელები

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება

ვაჟა-ფშაველას გამზირზე საგზაო მოძრაობა დროებით შეიზღუდება

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს