თამარ მეფის გამზირზე რამდენიმე წუთის წინ „საქართველოს ბანკის“ ფილიალში ნიღბიანი მამაკაცი შეიჭრა.

აღნიშნული ინფორმაცია „ექსპრესნიუსს“ „საქართველოს ბანკის“ საზოგადოებასთან ურთიერთობის სამსახურში დაუდასტურეს.

მათი ინფორმაციით, მამაკაცი შეიარაღებული იყო, თუმცა შემთხვევის შედეგად არავინ დაშავებულა.

საზოგადოებასთან ურთიერთობის სამსახურში აცხადებენ, რომ ბანკის ფილიალიდან თანხა წაღებული არ არის.

შეიარაღებული მამაკაცი შემთხვევის ადგილიდან მიიმალა. ამ დროისთვის მის დასაკავებლად სამძებრო სამუშაოები მიმდინარეობს.

ადგილზე საპატრულო და კრიმინალური პოლიციის თანამშრომლები არიან მობილიზებული.

როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 179 მუხლით დაიწყო, რაც ყაჩაღობას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ

15 აპრილიდან მდინარე დიღმურას ხიდზე საავტომობილო მოძრაობა 5 თვით სრულად შეიზღუდება

პაშინიანის ავტოკოლონის თანმხლები ავტობუსი ავარიაში მოყვა

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ