19 ივნისს, ბუდაპეშტში მიმდინარე მსოფლიო ჩემპიონატზე 100 კგ-ზე მეტ წონით კატეგორიაში რუსმა ძიუდოისტმა ინალ ტასოევმა ფინალში ქართველი სპორტსმენი გურამ თუშიშვილი დაამარცხა და ოქროს მედალი მოიპოვა.

ორგზის მსოფლიო ჩემპიონი ტასოევი 2 ივლისს ჩრდილოეთ ოსეთში დაბრუნდა, სადაც მას აეროპორტში გულშემატკივრები და ოფიციალური პირები დახვდნენ. მოგვიანებით, მისი პატივსაცემად ვლადიკავკაზის რესტორან „ტორნეში“ ღონისძიება გაიმართა.

როგორც სოციალურ ქსელებში გავრცელდა ინფორმაცია, ფინალში მისი მეტოქე, გურამ თუშიშვილიც ვლადიკავკაზში ჩავიდა. გამოქვეყნებულ ვიდეოკადრებში ჩანს, თუ როგორ ჭრიან ტასოევი და თუშიშვილი ოქროს მედლის გამოსახულებით ნამცხვარს და სიმბოლურად ანაწილებენ მას. „ეს სპორტული ძმობაა“, - წერს Judo News Online.

ჩრდილოეთ ოსეთის ხელისუფლებამ ინალ ტასოევს ვლადიკავკაზში სამოთახიანი ბინა გადასცა. ცერემონიას ასევე ესწრებოდა თვითგამოცხადებული სამხრეთ ოსეთის რესპუბლიკის პრემიერ-მინისტრი კონსტანტინ ჯუსოევი.

აღსანიშნავია, რომ რუსი ძიუდოისტები ტურნირებში ინდივიდუალურად ნეიტრალურ სპორტსმენებად ასპარეზობენ.

ავტორი: ექსპრესნიუსი,

სოციალური ქსელები

დენის ფასის გაზრდის მიუხედავად, ოცნებამ 157 ენერგეტიკულ კომპანიას 1 მილიარდი ლარის ჯარიმები აპატია

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.