აჭარის ოფიციალური დელეგაცია მთავრობის თავმჯდომარის არჩილ ხაბაძის ხელმძღვანელობით სამუშაო ვიზიტით ნახიჩევანის ავტონომიურ რესპუბლიკაში, ქალაქ ნახიჩევანში იმყოფება.

აჭარის მთავრობის ადმინისტრაციის პრესსამსახურის ინფორმაციით, სამდღიანი ვიზიტის ფარგლებში არჩილ ხაბაძე ნახიჩევანში შეხვედრებს გამართავს უმაღლესი მეჯლისის თავმჯდომარესთან ვასიფ თალიბოვთან, შრომის და სოციალური დაცვისა და ჯანმრთელობის და სოციალური დაცვის მინისტრებთან.

შეხვედრებზე აჭარასა და ნახიჩევანს შორის წამყვან სფეროებში თანამშრომლობის გაღრმავების საკითხებს განიხილავენ. განსაკუთრებული ყურადღება რეგიონის სტრატეგიულ სფეროებს: ეკონომიკას, ბიზნესს, კულტურას, განათლებას, ჯანდაცვას, სპორტს, ტურიზმს და ეკოლოგიას დაეთმობა. ვიზიტის ფარგლებში დელეგაცია მოინახულებს ნახიჩევანის სახელმწიფო უნივერსიტეტს, ბიზნეს-ცენტრს, შახმატის ცენტრს, მზის ელექტროსადგურს, ხალიჩების მუზეუმს, დრამატულ თეატრს და ქალაქის სხვა იტრორიულ თუ თანამედროვე ღირშესანიშნავ ადგილს.

აღსანიშნავია, რომ 2012 წლის 8 ივნისს ქ. ბათუმსა და ქ. ნახიჩევანს შორის თანამშრომლობისა და დაძმობილების მემორანდუმი გაფორმდა. მემორანდუმის მიზანს მხარეებს შორის მეგობრული და საქმიანი ურთიერთობების გააქტიურება წარმოადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთში 5 თვის ბავშვი, სავარაუდოდ, ცემის შედეგად დაიღუპა - დააკავეს ქართველი დედა, ეძებენ მამას

POLITICO: ტრამპმა რუტეს დახურულ შეხვედრაზე შეურაცხყოფა მიაყენა, მიანიშნა შურისძიების ვარიანტებზე

პუტინის რეიტინგი ომის დაწყების შემდეგ ახალ მინიმუმამდე დაეცა

„სრულიად დაბლოკილია“. Telegram-ის დაბლოკვის მაჩვენებელმა რუსეთში თითქმის 100%-ს მიაღწია