"მკაცრდება საქართველოს საზღვარზე შემოსვლის რეჟიმი, როგორც ჩვენი მოქალაქეების, ასევე უცხო ქვეყნის რეზიდენტების", - ამის შესახებ პრემიერ-მინისტრმა გიორგი გახარიამ განახზადა.

მისი თქმით, შეზღუდვებს ემატებას ისეთი ქვეყნები, როგორებიცაა გერმანია, საფრანგეთი, ავსტრია და ესპანეთი, რაც ნიშნავს იმას, რომ საქართველოს ყველა მოქალაქე, რომელიც ამ ქვეყნებიდან ბრუნდება საქართველოში, გაივლის 14 დღიან საკარანტინო რეჟიმს

"მკაცრდება საქართველოს საზღვარზე შემოსვლის რეჟიმი, როგორც ჩვენი მოქალაქეების, ასევე უცხო ქვეყნის რეზიდენტების. მოგეხსენებათ ჩვენ უკვე დაწესებული გვაქვს გარკვეული შეზღუდვები ჩინეთიდან, სამხრეთ კორეიდან და იტალიიდან.

ამ რეჟიმს ემატება გერმანია, საფრანგეთი, ავსტრია და ესპანეთი, რაც ნიშნავს იმას, რომ საქართველოს ყველა მოქალაქე, რომელიც ამ ქვეყნებიდან ბრუნდება საქართველოში, გაივლის 14 დღიან საკარანტინო რეჟიმს. ხოლო ყველა უცხო ქვეყნის მოქალაქე, საზღვარზე წარადგენს შესაბამის სამედიცინო ცნობას, რომელიც ადასტურებს, რომ კორონავირუსზე მას აქვს ჩატარებული კვლევა, ან ისიც გაივლის 14 დღიან საკარანტინო რეჟიმს.

გარდა ამისა, საქართველოს თითოეულ მოქალაქეს ეძლევა რეკომენდაცია, თავი შეიკავონ უცხო ქვეყნებში მოგზაურობისგან რამოდენიმე თვით. ეს არის ძალზე მნიშვნელოვანი რეკომენდაცია და იმედი გვაქვს, რომ ჩვენი მოქალაქეები, სამოქალაქო პოზიციიდან გამომდინარე, გაითვალისწინებენ ამ რეკომენდაციას," - განაცხადა მთავრობის სხდომაზე გიორგი გახარიამ.

ავტორი: ექსპრესნიუსი,

სოციალური ქსელები

საქართველოს ბანკის sCoolApp-ში ტრივია დაიწყო - გაიგე, როგორ ჩაერთო სკოლის შეჯიბრში

ირანმა ჰორმუზის სრუტის დაკეტვის შესახებ განაცხადა და ისრაელი ცეცხლის შეწყვეტის შეთანხმების დარღვევაში დაადანაშაულა.

„ბოროტება და სიგიჟე“- MAGA-ს აქტივისტებმა ტრამპის გადადგომის მოთხოვნა დაიწყეს

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო