უკრაინაში იანუკოვიჩის მოკავშირე ოლეგ კალაშნიკოვი გარდაცვლილი იპოვეს

2015-04-16 10:07:19, 976 ნახვა

მსოფლიო

კიევში, ყოფილი დეპუტატი, პარტია „რეგიონების“ წევრი ოლეგ კალაშნიკოვი გარდაცვლილი იპოვეს.

უკრაინის ყოფილი მთავრობის და პრეზიდენტის, ვიქტორ იანუკოვიჩის მოკავშირე სამართალდამცავებმა საცხოვრებელ სახლთან იპოვეს გარდაცვლილი. ჯერჯერობით უცნობია, პოლიტიკოსი მოკლეს თუ თავი მოიკლა.

ოფიციალური უწყებების ცნობით, კალაშნიკოვი ცეცხლსასროლი იარაღით მიყენებული ჭრილობების შედეგად გარდაიცვალა. გამოძიება მკვლელობის ვერსიაზეც მუშაობს, მოტივად კი ყოფილი დეპუტატატის პოლიტიკური მოღვაწეობა და ბიზნესინტერესები სახელდება.

კალაშნიკოვი "ანტი-მაიდანის" საპროტესტო აქციებში აქტიურად იყო ჩართული. მისი პოლიტიკური მეტოქეები ამტკიცებდნენ, რომ ის ამ პროცესებს აფინანსებდა.

მიმდინარე წლის განმავლობაში იანუკოვიჩის რვა მოკავშირე დაიღუპა. გარდაცვალების მიზეზად უმეტეს შემთხვევებში თვითმკვლელობა დასახელდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან