საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ პროგრამა „ლიდერთა სახლის“ გორის აქტიურ მონაწილეებს სერტიფიკატები გადაეცათ.

მონაწილეებმა პროგრამის შესახებ პრეზენტაციები წარადგინეს და წარმოაჩინეს ის უნარ-ჩვევები, რომლებიც აღნიშნული პროექტების ფარგლებში შეიძინეს. მათ ერთმანეთს შთაბეჭდილებები გაუზიარეს და სამომავლო თანამშრომლობის სურვილიც გამოთქვეს. გორის იუსტიციის სახლში გამართულ ღონისძიებას პროგრამა „ლიდერთა სახლის“ კოორდინატორი მაია ნასრაშვილი დაესწრო.

ქალაქ გორში „ლიდერთა სახლის“ ფარგლებში წლის განმავლობაში აქტიურად მიმდინარეობდა სხვადასხვა პროექტი. აქტიური მონაწილეობის დამადასტურებელი სერტიფიკატი 40  მოსწავლეს გადაეცა.

„ლიდერთა სახლი" დანაშაულის პრევენციის ცენტრის ახალგაზრდული პროგრამაა, რომლის მთავარი მიზანია ახალგაზრდებში ჯანსაღი ცხოვრების წესის პოპულარიზაცია, სამოქალაქო და სამართლებრივი ცნობიერების ამაღლება,  მოხალისეობრივი კულტურის განვითარების ხელშეწყობა.

ამ მხირივ ხორციელდება სპორტული შეჯიბრებები, კინოკლუბი, წიგნის კლუბი, პროფესიული არჩევანი, ტრენინგები, სემინარები, კონფერენციები, ოლიმპიადები. პროგრამა საქართველოს 13 ქალაქში ხორციელდება: თბილისი, რუსთავი, მარნეული, გურჯაანი, ყვარელი, თელავი, მესტია, ოზურგეთი, ზუგდიდი, ქუთაისი, გორი, ახალციხე, ბათუმი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო