საქართველოს პრეზიდენტის ადმინისტრაციის უფროსმა დავით პატარაიამ პრეზიდენტის სარეზერვო ფონდის 2014 წლის ხარჯვითი ნაწილი შეაფასა.

პატარაიას განცხადებით,  გასულ წელს პირველად მოხდა  ფონდის სტრუქტურიზება და პრიორიტეტების განსაზღვრა, რომლის მიხედვითაც სხვადასხვა პროექტები ფინანსდება.  საქართველოს პრეზიდენტისა და მისი ადმინისტრაციის გადაწყვეტილებით, პრიორიტეტული გახდა ის პროექტები, რომლებიც ხელს უწყობს სახელმწიფოს დემოკრატიული ფასეულობებისა და სახელმწიფოებრივი ინსტიტუტების განვითარებას და სოციალური ფონის გასაუმჯობესებლადაა მიმართული.

2014 წელს საქართველოს პრეზიდნეტის ფონდის ხარჯვითი ნაწილის საჯაროდ განხილვა მიზნად ისახავს ადმინისტრაციის საქმიანობის საჯაროობის და გამჭირვალობის გაზრდას.

წლიური ანგარიში მედიის წარმომადგენლებს  საქართველოს პრეზიდენტის  ადმინისტრაციის უფროსმა დავით პატარაიამ ადმინისტრაციის უფროსის მოადგილესთან  გიორგი აბაშიშვილთან ერთად წარუდგინა. ანგარიშის თანახმად ყველაზე მეტი თანხა -  საერთო რაოდენობის 32 პროცენტი (მილიონ სამოცდათერთმეტი ათასი ლარი) ბავშვთა და მოხუცთა დაცვის მიმართულებით დაიხარჯა. სასამართლო რეფორმის დასახმარებლად,  თანხის 20 პროცენტი (შვიდას ორმოცი ათასი ლარი) დაიხარჯა,18 პროცენტი (ოთხასორმოცდაათი ათასი ლარი) კი - კულტურული მრავალფეროვნების განვითარებისთვის.

დავით პატარაიამ და გიორგი აბაშიშვილმა  პროექტების მიზნობრიობისა და მათი განხორციელების მიმდინარეობის თაობაზე, დეტალურად ისაუბრეს.

როგორც აღინიშნა, საქართველოს პრეზიდენტის ფონდი 2015 წელსაც მნიშვნელოვანი და საინტერესო პროექტების დაფინანსებას გააგრძელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ

Global Finance-მა საქართველოს ბანკი საუკეთესო ბანკად დაასახელა საქართველოში

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა

საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს