იუსტიციის სამინისტროსა და მისი მმართველობის სფეროში მოქმედი საჯარო სამართლის იურიდიული პირების ხელმძღვანელები და რიგითი თანამშრომლები  სტიქიის შედეგების სალიკვიდაციო სამუშაოებში მონაწილეობენ.

იუსტიციის სამინისტროს ინფორმაციით, იუსტიციის სისტემის თანამშრომლები სტიქიის ზონაში, თამარაშვილის გამზირზე გაწმენდით სამუშაოებს ასრულებენ. თანამშრომლების ნაწილი კი თბილისის იმ უბნებზე გადანაწილებას ელოდებიან, რომლებიც გუშინდელმა წყალდიდობამ ყველაზე მეტად დააზარალა.

იუსტიციის სამინისტრო ღრმა მწუხარებას გამოთქვამს მომხდარის გამო და სამძიმარს უცხადებს იმ ადამიანთა ოჯახებს, რომლებიც წუხელ თბილისში მომხდარმა წყალდიდობამ იმსხვერპლა.

დაზარალებულ უბნებზე იუსტიციის სამინისტროს წარმომადგენლების ფიზიკური მუშაობა სტიქიის შედეგების საბოლოო ლიკვიდაციამდე გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია