|
2015-06-13 09:41:13, 355 ნახვა
საზოგადოება
შსს-ს აკადემიას პროექტ „ახალგაზრდა ლიდერთა კლუბის“ მონაწილე სტუდენტები ეწვივნენ
შინაგან საქმეთა სამინისტროს აკადემიას სტუმრად ილიას სახელობის უნივერსიტეტის და ი. ჯავახიშვილის სახელობის თბილისის სახელმწიფო უნივერსიტეტის ეროვნებით ქართველი, სომეხი და აზერბაიჯანელი 30-მდე სტუდენტი ეწვია. შსს-ს ინფორმაციით, ყველა მათგანი პროექტ „ახალგაზრდა ლიდერთა კლუბში“ არიან გაერთიანებული. ვიზიტის ორგანიზატორია შერიგებისა და სამოქალაქო თანასწორობის საკითხებში სახელმწიფო მინისტრის აპარატი. შსს-ს აკადემიის პროფესიული მომზადების სამმართველოს უბნის ინსპექტორთა ფაკულტეტის უფროსმა მამუკა ქოიავამ სტუმრებს აკადემიის საქმიანობის შესახებ პრეზენტაცია წარუდგინა, რის შემდეგაც სტუდენტებმა სასწავლებლის ინფრასტრუქტურა დაათვალიერეს და დაესწრნენ მაგისტრანტების საგამოცდო ტესტირებებს. სტუმრობის მიზანი იყო ეთნიკური უმცირესობების წარმომადგენელთა დაინტერესება შსს-ს აკადემიის საგანმანათლებლო პროცესებით, რომელთა შორისაც როგორც სპეციალური საგანმანათლებლო, ისევე სამართლის საბაკალავრო და სამაგისტრო პროგრამებია. პროექტი „ახალგაზრდა ლიდერთა კლუბი“ შერიგებისა და სამოქალაქო თანასწორობის საკითხებში სახელმწიფო მინისტრის აპარატის ინიციატივით ხორციელდება. პროექტს სპორტისა და ახალგაზრდობის საქმეთა სამინისტროს ახალგაზრდული პოლიტიკის განვითარების პროგრამის ერთ-ერთი მიმართულების - „საქართველოში მცხოვრები ეთნიკური უმცირესობების ინტეგრაციის ხელშეწყობის პროგრამის“ ფარგლებში არასამთავრობო ორგანიზაცია „ახალგაზრდების განვითარების აკადემია“ ახორციელებს.
აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება
უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას
პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა
მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას
სააღდგომო ზავი“ - როგორ არღვევენ და იყენებენ მას რუსები - Deep State
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)