ზუგდიდში საქართველოს დამოუკიდებლობის დღისადმი მიძღვნილი ღონისძიებები მთელი დღის განმავლობაში გაგრძელდება.

როგორც „ექსპრესნიუსს“ ზუგდიდის გამგეობიდან აცნობეს, დილიდან ქალაქის ცენტრში გამოფენილია სამხედრო ტექნიკა, იარაღები, საგანგეობო სიტუაციების სამსახურისა და სასწრაფო დახმარების სპეცტექნიკა. ზუგდიდში წელს პირველად გამოფენაზე გამოჩნდა ავტომოყვარულთა ტექნიკაც.

დილიდან ქალაქის ცენტრალურ ბულუარში სხვადსხვა სპორტული და კულტურული ღონისძიებები იმართება. ზუგდიდის შ. დადიანის დრამატული თეატრის მსახიობები ქუჩებში პანტონიმის დასის მსვლელობას და თეატრალურ წარმოდგენებს მართავენ. პარალელურად იმართება მარწყვის ფესტივალი, მშვიდობის თმაზე დაფაზე და ასფალტზე ხატვა, ნახატების გამოფენა ART- გალერეაში, სხვადასხვა მუსიკალური კონცერტები, ხალხური რეწვის ნიმუშების, ყვავილებისა და საკითხავი ლიტერატურის გამოფენა– გაყიდვა.

დამოუკიდებლობის დღის აღნიშვნა ზუგდიდის ახალ პარკში გალა კონცერტით დასრულდება, რომელიც საღამოს 7 საათზე დაიწყება. ჯგუფ „მგზავრებთან“ ერთად კონცერტზე მონაწილეობას ადგილობრივი შემსრულებლებიც მიიღებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ