აჭარის ავტონომიური რესპუბლიკის დასაქმების სააგენტოს ,,დასაქმებისა და პროფესიული განათლების რეფორმის ტექნიკური დახმარების’’ (EUVEGE) პროექტის ფარგლებში, შრომის ბაზრისა და დასაქმების ექსპერტი ვულფ შმიდერი და ადგილობრივი ექსპერტი ანა დიაკონიძე ეწვია.

აჭარის ჯანდაცვის სამინისტროს ინფორმაციით, ვიზიტის მიზანი დასაქმების სააგენტოს ფუნქცია-მოვალეობის შესწავლა და სააგენტოს ამავე პროექტში ჩართვა იყო.

დასაქმების სააგენტოს ხელმძღვანელმა, კობა ნაკაიძემ სტუმრებს სააგენტოს საქმიანობაზე ესაუბრა. ასევე გააცნო ის პროგრამები და პროექტები, რაც სააგენტომ დღემდე განახორციელა და ახორციელებს.

,,აჭარის ა.რ. დასაქმების სააგენტოს საქმიანობა დანარჩენი საქართველოს ამავე სფეროში მოღვაწე ორგანიზაციებისაგან განსხვავებით მაღალ საფეხურზე დგას და ამ პროექტში აუცილებლად უნდა ჩაერთოს’’, - განაცხადა ვულფ შმიდერმა.

აღნიშნული პროექტი 2014-2017 წლებში ხორციელდება და მას ევროკავშირი აფინანსებს (ბუიჯეტი 2.778.200) . EUVEGE - მხარს უჭერს საქართველოს შრომის ბაზრის ჯანსაღი პოლიტიკის განვითარებას, ასევე, პროფესიული განათლების და გადამზადების სფეროს კომპლექსურ მოდერნიზაციას. მისი დევიზია ,,უკეთესი უნარ-ჩვევები უკეთესი სამუშაოსათვის’’

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოთისა და ხობის მიტროპოლიტის სააღდგომო გზავნილი

პატრიარქის მოსაყდრის, მიტროპოლიტ შიო მუჯირის სააღდგომო ეპისტოლე - სრულად

რომელ ქუჩებზე დაწესდება შეზღუდვები თბილისში 12-13 აპრილს - თბილისის მერია

CBS News: აშშ გაყინული ირანული აქტივების განბლოკვას არ დათანხმებულა