ქვეყნის აღმოსავლეთ და დასავლეთ ნაწილში  ქრისტეს  აღდგომას არცთუ  რადიკალურად განსხვავებულად აღნიშნავენ.
სააღმდგომო სადღესასწაულო სუფრაზე  უმნიშვნელოვანესი ატრიბუტია წითელი  კვერცხი, რომელიც ყველა მართლმადიდებლის სუფრას ამშვენებს, ამასთან მშრალად მოხარშული ღორის ბარკალი, ბატკნის ხორცი,  ქადა,  პასკა, ხაჭაპური, შოთის პური, ლობიანი,  ყველი, მწნილი, ხილი, ტკბილეული და რა თქმა უნდა  წითელი ღვინო.
სააღმდგომო ტრადიციებს შორის  განსაკუთრებულად გამორჩეულია „ჭონა“, რომელიც თავისი არსით ძალიან ჰგავს საშობაო ალილოს.
აღდგომა დღეს რამდენიმე კაცი, რომელსაც „მეჭონეებს“ ეძახდნენ მთელ სოფელს ჩამოუვლიდნენ და სააღმდგომო სიმღერით დღესასწაულს ულოცავდნენ, ოჯახის დიასახლისი კი მათ კვერცხებით, ტკბილი კვერებით და ხილით ასაჩუქრებდა. დღის ბოლოს შეგროვილ ნუგბარს კი მთელი სოფლის ახალგაზრდობა შემოუსხდებოდა და ილხენდა.
საქართველოში  ძალიან ბევრმა იცის „ჭონის“ სააღმდგომო სიმღერა.
„ალათასა, ბალათასა, ხელი ჩავყავ კალათასა,
ქალო, კვერცხი გამოგვიტან ღმერთი მოგცემს ბარაქასა“.
აღმოსავლეთ  საქართველოში სააღმდგომო ბატკანს კლავდნენ, ახალი მიცვალებულის პატრონები სასაფლაოზე გადიოდნენ და კვერცხებს აგორებდნენ.  მეზობლები ერთმანეთს ეპატიჟებოდნენ და ქეიფობდნენ.
დასავლეთ საქართველოში  სააღმდგომოდ ყველისა და კვერცხის პურის კვერს აცხობდნენ. აღდგომა დღეს  ოჯახის უფროსი ხონჩაზე დააწყობდა ღორის გულ-ღვიძლს, კვერებს , ღვინოს და ამ ყველაფრით დაილოცებოდა.
„ექსპრესნიუსი“   აღდგომის ბრწყინვალე დღესასწაულს გილოცავთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს