სასოფლო-სამეურნეო დანიშნულების მიწის  უცხოელზე გასხვისების საკითხზე საკონსტიტუციო კომისიის წევრებს შორის აზრთა სხვადასხვაობაა.

კომისიის ზოგიერთი წევრი ფიქრობს, რომ კონსტიტუციით უნდა აიკრძალოს უცხო ქვეყნის მოქალაქეებისთვის მიწის მიყიდვა, ზოგიერთი წევრი კი პირიქით მიიჩნევს, რომ მიწის ნაკვეთის უცხოელებზე გასხვისება კონსტიტუციის დონეზე არ უნდა აიკრძალოს.

ასევე, არიან წევრები, რომლებიც აღნიშნავენ, რომ სასოფლო-სამეურნეო მიწის უცხოელებზე გასხვისებასთან დაკავშირებით გარკვეული შეზღუდვები უნდა დაწესდეს.

ანალოგიურად ფიქრობს პარლამენტის ვიცე სპიკერი თამარ ჩუგოშვილი, თუმცა ის  ასევე აღნიშნავს, რომ მიწის გასხვისების შეზღუდვების საფუძვლები კონსტიტუციაში არ უნდა იყოს გაწერილი.

ჩუგოშვილის განმარტებით, ეს კონკრეტულ კანონზე მუშაობის საგანია.

„ვფიქრობ ზოგადად, ის პოზიცია, რომ გარკვეული შეზღდუდვები სასოფლო-სამეურნეო მიწის გასხვისებასთან დაწესდეს, არის ნორმალური. ეს ბევრ ქვეყანაშია მიღებული. მე მგონი კომისია ამაზე თანხმდება, რამდენად მძიმე იქნება შზღუდვები და ჩაიწერება თუ არა კონსტიტუციაში ამაზე საბოლოო გადაწყვეტილება მიღებული არ ყოფილა და ამ საკითხზე მიბრუნება მოგვიწევს“,-განაცხადა ჩუგოშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო