აქციების დროს დაკავებული ანატოლი გიგაურის საქმეზე განაჩენს მოსამართლე ჯვებე ნაჭყებია შემდეგ სხდომაზე გამოაცხადებს.

ნაჭყებიამ სასამართლო სხდომაზე თქვა, რომ აუცილებელი მოგერიება ვრცელი საკითხია, რომელიც ბევრი კომპონენტისგან შედეგება და თითოეული ამ კომპონენტის დადასტურება ან არდადასტურება შესაძლოა გადამწყვეტი იყოს, ამიტომ, მისი თქმით, გადაწყვეტილების მისაღებად დრო სჭირდება და საბოლოო განაჩენს შემდეგ სხდომაზე გამოცხადდება.

ცნობისთვის, ანატოლი გიგაური 2024 წლის, 24 ნოემბერს დააკავეს. მას ბრალდება სისხლის სამართლის კოდექსის 353-ე მუხლის პირველი ნაწილიც წარედგინა, რაც პოლიციელზე თავდასხმას გულისხმობს.

ანატოლი გიგაურის ადვოკატის, ლაშა ცუცქირიძის თქმით, გიგაური თავს დამნაშავედ არ ცნობს, რადგან მისი ქმედება იყო აუცილებელი მოგერიება - მის მიერ პოლიციელისთვის ხელის მოქნევის ფაქტს წინ უსწრებდა აღნიშნული პოლიციელის მართლსაწინააღმდეგო ქმედება, რაც ადვოკატის თქმით, ვიდეომტკიცებულებითაც დასტურდება.

ავტორი: ექსპრესნიუსი,

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა