სამხრეთ კორეაში ვადამდელი საპრეზიდენტო არჩევნები მიმდინარეობს.

წინასწარი გამოკითხვის თანახმად, არჩევნებში ოპოზიციის კანდიდატი ლი ჯე მიუნგი ლიდერობს. მეორე ადგილზეა მმართველი პარტიის კანდიდატი – კიმ მუნ სუ, რომელიც იუნ სუკ იოლის მთავრობაში დასაქმებისა და შრომის მინისტრი იყო.

საარჩევნო უბნები ადგილობრივი დროით დილის 06:00 საათზე გაიხსნა და საღამოს 20:00 საათზე დაიხურება.

სამხრეთ კორეელებს წინასწარი ხმის მიცემა 29 და 30 მაისს შეეძლოთ, ამ შესაძლებლობით 15 მილიონამდე ადამიანმა ისარგებლა.

მოსალოდნელია, რომ ეროვნული საარჩევნო კომისიის მიერ ხმების დათვლიდან რამდენიმე საათში, გამარჯვებული კანდიდატის ინაუგურაცია გაიმართოს.

როგორც „როიტერი“ წერს, სამხრეთ კორეაში ეკონომიკის გაძლიერება და პოლიტიკური არეულობის დასრულებაა ის ორი მთავარი საკითხი, რომელიც საარჩევნო უბანთან მისულმა ამომრჩეველმა უნდა გადაწყვიტოს.

შეგახსენებთ, რომ სამხრეთ კორეაში არეულობა მას შემდეგ დაიწყო, რაც ყოფილი პრეზიდენტი იუნ სუკ იოლი იმპიჩმენტის წესით თანამდებობიდან გადააყენეს. ამის მიზეზი კი პრეზიდენტის მიერ ქვეყანაში საომარი მდგომარეობის გამოცხადება გახდა, რასაც ქვეყანაში საპროტესტო გამოსვლები მოჰყვა. ეროვნულმა ასამბლეამ საომარი მდგომარეობა რამდენიმე საათში გაუქმა.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა